A normativa de referencia en relación cos equipos de protección individual é o Regulamento (UE) 2016/425 do Parlamento Europeo e do Consello do 9 de marzo de 2016 relativo aos equipos de protección individual e polo que se derroga a Directiva 89/686/CEE do Consello.
Considérase equipo de protección individual, segundo o mencionado Regulamento:
- a) ao equipo deseñado e fabricado para ser levado posto ou ser sostido por unha persoa para protexerse contra un ou varios riscos para a súa saúde ou seguridade;
- b) aos compoñentes intercambiables do equipo mencionado na letra a) que sexan esenciais para a súa función protectora;
- c) aos sistemas de conexión para o equipo mencionado na letra a) que non sexan levados postos nin sexan sostidos por unha persoa, que estean deseñados para conectar o devandito equipo a un dispositivo ou estrutura externa ou a un punto de ancoraxe segura, que non estean deseñados para estar fixados permanentemente e que non requiran manobras de abrochado antes do seu uso.
O uso da protección individual é a última opción na xestión dos riscos asociados a unha tarefa ou a un posto de traballo, sendo o seu obxectivo minimizar os danos que pode sufrir unha persoa e é, a miúdo, a última barreira. Polo tanto, unha incorrecta selección do equipo pode provocar danos importantes e inclusos a morte.
