Real Decreto-lei 16/2022. Persoas traballadoras ao servizo do fogar
Foi publicado o Real Decreto-lei 16/2022, do 6 de setembro, para a mellora das condicións de traballo e de Seguridade Social das persoas traballadoras ao servizo do fogar.
Do mesmo, en relación coa prevención de riscos laborais, destacamos:
Artigo primeiro.
Modificación da Lei 31/1995, do 8 de novembro, de prevención de Riscos Laborais. A Lei 31/1995, do 8 de novembro, de prevención de Riscos Laborais, queda modificada como segue:
Un. Suprímese o apartado 4 do artigo 3 (este facía referencia á exclusión do ámbito de aplicación da LPRL do servizo do fogar familiar).
Dous. Engádese unha disposición adicional décimo oitava, que terá a seguinte redacción:
«Disposición adicional décimo oitava. Protección da seguridade e a saúde no traballo das persoas traballadoras no ámbito da relación laboral de carácter especial do servizo do fogar familiar. No ámbito da relación laboral de carácter especial do servizo do fogar familiar, as persoas traballadoras teñen dereito a unha protección eficaz en materia de seguridade e saúde no traballo, especialmente no ámbito da prevención da violencia contra as mulleres, tendo en conta as características específicas do traballo doméstico, nos termos e coas garantías que se prevexan regulamentariamente a fin de asegurar a súa saúde e seguridade».
Disposición final primeira .
Modifícase a disposición adicional quinta da Lei 31/1995, do 8 de novembro, de Prevención de Riscos Laborais: -Disposición adicional quinta. Fundación Estatal para a Prevención de Riscos Laborais, FSP-.
